अन्तर वडास्तरीय पुरूष भलिबल प्रतियोगिताको उपाधी मेलम्चीलाई

चाैतारा । सिन्धुपाल्चोक जिल्लाव्यापी अन्तर वडास्तरीय पुरूष भलिबल प्रतियोगिता २०८१ को उपाधी मेलम्ची नगरपालिकाले हात पारेको छ।

ह्याङ्गर समाज उत्थान युवा समुहको आयोजनामा जिल्लाकै सर्वाधिक ठूलो धन राशीको प्रथम सिन्धुपाल्चोक जिल्ला अन्तरवडा स्तरीय पुरूष भलिबल प्रतियोगिता आईतबार सम्पन्न भएकाे छ । खेलमा  सिर्जनशिल युवा समुह छापलाई ३–० को सेटमा पाखा लगाउदै मेलम्ची नगरपालिकाले उपाधी जितेको हो । उपाधी जितेसंगै मेलम्चीले ८० हजार, कप,मेडल तथा प्रमाणपत्र हात पारेका छ। फाईनलमा हार ब्यहोरेको उपबिजेतामा सिमित रहदै सिर्जनशिल युवा समुहले नगद ५० हजार, कप, मेडल तथा प्रमाणपत्रमा चित्त बुझाउन बाध्य भयो ।

त्यस्तै प्रतियोगितामा बनकाली युवा समाज हाप्रा तृतीय हुँदै नगद २५ हजार, कप, मेडल तथा प्रमाणपत्र हात पारेका छ भने जलविरे १ बलेफिले सान्त्वना स्थान हुँदै नगद १० हजार, कप, मेडल तथा प्रमाणपत्र हात पार्याे । बागमती सभा सदस्य सरल सहयात्री पौडेलको आतिथ्यतामा भएको समापन कार्यक्रममा जुगल गाउँपालिका अध्यक्ष रेशम स्वाङ्बो, वडा अध्यक्ष रवि तामाङ, माओवादी केन्द्र जुगलको इन्चार्ज जंग तामाङ, माओवादी केन्द्र जुगल गाउँपालिका अध्यक्ष ईश्वर गुभाजु लगाएतको उपस्थिति रहेको थियो ।