पूर्व अरनिको यातायातका सेवाहरू अनिश्चितकालीन बन्द

चौतारा । यातायात व्यवसायी संघ संगठनहरूले यातायात क्षेत्रको समस्या समाधानका लागि आह्वान गरेको आन्दोलन अन्तर्गत जेठ १९ गतेदेखि देशभरका सार्वजनिक सवारी साधनहरूको सेवा अनिश्चितकालीन रूपमा बन्द गरेका छन् ।

यसै सन्दर्भमा पूर्व अरनिको यातायात प्रा.लिले पनि सम्पूर्ण सवारी साधनहरूको सेवा स्थगन गर्ने निर्णय गरेको छ । कम्पनीका अनुसार यस बन्दमा बस व्यवसायी, संघ/संस्था, मजदुर तथा कर्मचारीहरू सबैको सहभागिता अनिवार्य गरेको छ । सहायक कार्यालय प्रमुख चमन गुरुङद्धारा हस्ताक्षरित सूचनामा यात्रीहरूलाई पर्न सक्ने असुविधाप्रति क्षमायाचनासमेत गरिएको छ।

आन्दोलनलाई समर्थन गर्दै अरनिको बसपार्क प्रा.लिबाट संचालित सम्पुर्ण साधनहरुको क्यू स्थगित भई यस अरनिको बसपार्कबाट संचालन हुने कुनैपनि सवारी साधनहरु संचालन नहुने सूचना जारी गरेको छ ।

‘सार्वजनिक यातायात बचाउ संघर्ष समिति’ले बिभिन्न ७ बुँदे मागसहित चरणवद्ध आन्दोलन गर्दै आएका छन् ।