आचारसंहिता उल्लंघनः स्थायी शिक्षक नै चुनावी प्रचारमा !

मेलम्ची । माथि रातो घेरामा देखिएको व्यक्ति मेलम्ची नगरपालिका– ९ मा रहेको सातकन्या माविका स्थायी शिक्षक हुन् ।

सो विद्यालयमा प्रावि स्थायी शिक्षक रहेका युवराज पुरी नामका उनी सरकारी तलबभत्ता खाएर स्थानीय निर्वाचनमा नेकपा (एमाले) को प्रचारमा खुलेरै लागिरहेका छन् । स्थानीय निर्वाचन आचारसंहिता– २०७८ को परिच्छेद ९ (क) मा शिक्षकले कुनैपनि राजनीतिक दल वा उम्मेद्वारको पक्ष वा विपक्षमा प्रचारप्रसारमा संलग्न हुन वा प्रचारप्रसार गर्न नहुने उल्लेख छ ।

तर आचारसंहिताको धज्जी उडाउँदै उनी पार्टीको झण्डा बोकेर चुनावी प्रचारमा हिँडेका हुन् । सिन्धुपाल्चोकका मूख्य निर्वाचन अधिकृत एवम् अनुगमन समितिका संयोजक चन्द्रप्रकाश तिवारीले निर्वाचन आचारसंहिता उल्लंघन गर्ने जो सुकैलाई कारबाही गर्ने बताउँदै आएका छन् ।