गाउँपालिका स्तरीय पुरुष भलिबल प्रतियोगिता सुरू

हगाम । जुगल गाउँपालिका– ६ मा आयोजित प्रथम क्रियटिभ हगाम कप जुगल गाउँपालिका स्तरीय पुरुष भलिबल प्रतियोगिता बिहीबारबाट सुरू भएको छ।

प्रतियोगिताको बुद्धिजीबी ईश्वर गुभाजु,गाउँपालिका उपाध्यक्ष सृजना तामाङ, जुगल ७ का वडा अध्यक्ष दिलकुमार लामा, जुगल १ का वडा अध्यक्ष कमल थापा, समाजसेवी नन्दे श्रेष्ठले संयुक्त उद्घाटन गरे । सो अवसरमा क्रियटिभ हगाम युथ क्लबको पनि उद्घाटन गरिएको छ ।

गाउँपालिका स्तरीय पुरुष भलिबल प्रतियोगितामा जुगल गाउँपालिका भरका ११ टीम सहभागी रहेकाे आयोजकले जनाएको छ । प्रतियोगिता फागुन २९ गतेसम्म सञ्चालन हुनेछ । प्रतियोगितामा विजयी हुने टीमले ३० हजार नगदसहित मेडल र ट्रफी प्राप्त गर्नेछन् । त्यस्तै द्वितीय र तृतीय हुने टीमलाई क्रमसः २० हजार र १० हजारसहित मेडल र ट्रफी प्रदान गरिने आयोजकले जनाएको छ ।