जिल्ला स्तरिय फुटबल प्रतियोगिताको उपाधि सेलाङ माविलाई

ढाडे:सिङ्ग माई युवा क्लबद्वारा आयोजित जिल्ला स्तरीय फुटबल प्रतियोगिता क्लबको अध्यक्ष लिला बहादुर श्रेष्ठको अध्यक्षतामा जुगल गाउँपालिका अध्यक्ष रेशम स्याङबोको प्रमुख अतिथि र वडा नं १ सेलाङको अध्यक्ष जनक लामाको आतिथ्यतामा सम्पन्न भएको छ।

सिङ्गमाई युवा क्लब जुगल गाउँपालिका–१ चेपेको आयोजनामा भएको जिल्ला स्तरिय फुटबल प्रतियोगिताको उपाधि सेलाङ माविले हात पारेका छन्।

असोज ११ गतेबाट संचालित ३ दिने प्रतियोगिता विहिवार सम्पन्न भएको हो ।घटस्थापनाको दिन सुरु भएको खेलमा ७ समूह सहभागि थिए ।

जस मध्य याङला ग्लोव जुगल ७ द्धितीय र स्याउले युवा क्लव चौतारा साँगाचोकगढी नगरपालिका १ तृतीय भएका छन् । प्रथम, दृतीय र तृतीयलाई क्रमश ३० हजार, २० हजार र १० हजार नगद पुरस्कारसहित सिल् मेडल र ट्रफी पाएका छन् ।उक्त पुरस्कार जुगल गाउँपालिका अध्यक्ष रेशम स्याङ्वोको हातबाट प्रदान गरेका थिए ।

कार्यक्रममा बोल्दै स्याङ्वो खेलकुदले मानिसलाई अनुशासित र लगनशील बनाउने भएकोले खेलकुदलाई निरन्तरता दिर्दै राष्ट्रिय अन्तर्राष्ट्रिय सफलता हात पार्न खेलाडीहरुलाई शुभकामना दिए।
कार्यक्रममा पूर्व गाविस उपाध्यक्ष एवं समाजसेबी झंकप्रसाद उपाध्याय, रामेश्वर माविको प्रअ कृष्ण घिमिरे, सेलाङ माविको प्रअ फिरोज सिलवाल ,खेलाडी र स्थानीयहरुको सहभागितामा सम्पन्न भएका छन्।