कोभिड बिरुद्ध जनचेतना !

विश्वभरि महामारिको रुपमा फैलिएको कोरोनाभाईरस नेपालमा पनि दोश्रो लहरमा प्रवेश गर्दा सिन्धुपाल्चोक जिल्लामा पनि उक्त भाइरस फैलने त्रास भएकोले पूर्व तयारी र सावधानी अपनाउँन गृह मन्त्रालयले दिएको आदेशलाई जिल्ला प्रशासनको निर्देशनमा जिल्ला प्रहरी कार्यालय सिन्धुपाल्चोकले आयोजना गरेको कोभिड बिरुद्दका जनचेतना कार्य चौतारा नगरपालिकाको सदरमुकाम नगर परिक्रमा गरि सम्पन्न भएको छ ।

जिल्ला प्रहरी प्रमुख राजन अधिकारीको अगुवाईमा चौतारा साँगाचोकगढी नगरपालिकाका नगर प्रमुख अमानसिं तमाङ उपप्रमुख जानुका पराजुली चौतारा नगरपालिकाका प्रमुख प्रशासकीय अधिकृत फडिन्द्रप्रसाद पौडेल, ५ नम्वर वडाका वडा अध्यक्ष नरमान श्रेष्ठ, ४ का वडा अध्यक्ष चुडामणी नेपाल, १३ का वडा अध्यक्ष रामप्रसाद गौतम, २ का वडा अध्यक्ष दिपेन्द्र थापा, १४ का वडा अध्यक्ष शेरबहादुर श्रेष्ठ, जिल्ला जनस्वास्थ्य अधिकृत भोला पौडेल, रेडक्रस सिन्धुपाल्चोकका अधिकृत प्रविण श्रेष्ठ, सिन्धुपाल्चोक जिल्ला उद्योग बाणिज्य संघका निर्मल बस्नेत, पत्रकार महासंघका अध्यक्ष जीवन श्रेष्ठ, सिन्धुपाल्चोक जिल्लाका वरिष्ठ पत्रकार तथा सर्वपक्ष राष्ट्रिय दैनिकका प्रकाशक सुरेश कसजू, रेडियो सिन्धुका दिपक खत्री, लोकप्रिय दैनिकका प्रकाशक नेत्र बस्नेत, साहित्यकार घनश्याम नेपाल, लेखक एवम् ग्लोबलपाटी डटकमका सम्पादक, सुन्दर शिरीष, केशव अधिकारी, निर्माण व्यवसायी संघका अध्यक्ष छत्र तमाङ, शीव श्रेष्ठ, अरनिको यातयात व्यवसायी संघबाट प्रतिनिधित्व गर्ने कर्मचारी बिरेन्द्र श्रेष्ठ, पाँचपोखरी यातयात संघबाट कृष्ण श्रेष्ठ, टोल सुधार समितिबाट अमृतमान श्रेष्ठ, युवा समितिका अध्यक्ष तेजबहादुर थापा र सामुदायिक प्रहरीमा आबद्ध बेदबहादुर श्रेष्ठ लगायत अन्य सामाजिक अभियान्ता समेतको उपस्थितिमा चौतारा नगरबासी, बुद्धिजीवि समाजसेवी लगायतले चौतारा सदरमुकामको शीर टुँडिखेलबाट शुरू भएको ¥याली भिन्तुना चोक, बसपार्क, पुरानो बजार र भित्री बस्तीहरूमा समेत माईकिङ गरि कोभिडको बिरुद्धमा जनचेतना फैलाईयो ।

जिल्ला प्रहरी कार्यालयको समुदाय प्रहरी साझेदारी community police partnership को ब्यानर अघि अघि र पछि ¥यालीमा संलग्न नगरका नगर प्रमुख समेतको उपस्थितिमा अरु जिम्वेवार ब्यक्तित्व रहेको र सामुदायिक प्रहरीमा आबद्ध रहेका बौद्धिक ब्यक्तिहरूको उपस्थिति समेत रहेको थियो । बर्दिका प्रहरी र बिना बर्दिका प्रहरी आमनागरिक पनि भएकोले स्थानीय तह विभिन्न समुदाय सामाजिक अभियान्ताको ठूलो सहयोग भएकोले सम्पूर्ण सरोकार निकायहरूले नेपाल प्रहरीलाई साथ दिएको देखिन्थ्यो । विभिन्न अक्षरमा लेखिएको जन चेतनामूलक सुचित गरिने प्ले कार्ड र सम्झाई बुझाई सामाजिक दुरी कायम राख्ने, मास्क लगाउने, सेनिटाइजरको प्रयोग गर्ने, नेपाल सरकारको सुरक्षा नीती अनुसार स्वास्थ्य मापदण्डका सुरक्षाका सुनौला सिद्धान्तलाई कार्यन्वयन गर्न अनुरोध पनि गरिएको थियो । सोहि अवसरमा स्थानीय सर्वसाधारणलाई ४ सय ५० थान मास्क समेत वितरण गरिएको थियो ।

उक्त कार्यक्रममा नगर प्रमुख अमानसिं तामाङले चौताराबासी लगायत बजार क्षेत्रमा देखिने यात्रुहरू, पैदल यात्री, ब्यवसायी र आफ्ना नजरले देखिएका मास्क बिना हिडँडुल गर्ने महिला पुरूषहरूलाई मास्क हात हातमा दिई मास्क लगाई सुरक्षित हुन आग्रह गर्नु भयो । यसै गरी जिल्ला प्रहरी प्रमुख राजन अधिकारीले ब्यवसायीहरूको पसलमा आउने क्रेता र बिक्रेताहरूमा मास्क लाए नलाएको सवारीसाधनमा यात्रा गर्ने यात्रीदेखि सडकमा हिँडडुल गर्ने यात्रीहरूलाई विषेश निगरानीका साथ अवलोकन गरि मास्क लगाउँदा आफु सुरक्षित हुने भएकोले जनताका घर आँगनीमा आफै उपस्थिती भई कोभिडलाई सिन्धुपाल्चोक जिल्लामा प्रवेश नगराउन नागरिक र प्रहरीको हातेमालो दुःख र सुखमा हुने भएकोले सबैको साथ रहने भएकोले सदैव जनताका सेवामा हाजिर भई परिस्थितिको सामाना गर्न अनुरोध गर्नु भयो । सुरक्षा नै हाम्रो जीवनको महत्वपूर्ण विषय हो, सुरक्षा हाम्रो जीवनसँग जोडिने भएकोले कसैले पनि कसैमाथि खेलवाड नगर्न अनुरोध गर्नु भयो । यदि कसैले कसैमाथी जानी जानि खेलवाट गर्छ र लापरबाही गर्छ भने संक्रमिण ऐन २०२० अन्र्तगत कार्बाही गरिने जानकारी गराउनुभयो । कार्बाहीको दायारमा ल्याउने कार्य हुन्छ भन्ने हेक्का राखेर सभ्य नागरिकको परिचय दिन सिन्धुबासी प्रति अटल बिस्वास रहेको उहाँले भन्नुभयो ।

त्यस्तै चौतारा साँगाचोकगढी नगरपालिकाका प्रमुख प्रशासकीय अधिकृतले हाम्रै छेउछाउमा कोभिडका संक्रमित व्यक्ति हुनसक्ने खतरालाई ध्यानमा राखि आफु होसियारी भई सावधानि अपनाउन पर्ने भएकोले मास्क पहिलो उपाय भएको र मास्कको महिमा बुझ्न जरुरी रहेको अभिब्यक्ति दिनु भयो । यसै गरी पत्रकार महासंघका अध्यक्ष जीवन श्रेष्ठले पत्रकार भनेका जनताका मन मष्तिष्कमा घुमिरहने सेवाका स्पन्दन तथा धडकन हुनु पर्ने भन्दै अहिलेको विश्वको विषम परिस्थिलाई ध्यानमा राखी जनतालाई होसियारि तथा सतर्कता गराई कोभिड बिरुद्धको रचनात्मक अभियान सिन्धुपाल्चोक प्रहरी कार्यलयबाट देख्न पाउँदा गौरव लागेको बताउनु भयो । जनताको सरोकार भएको बिषय भएकोले पनि आपूm र पत्रकार महासंघले गर्ने योगदान हरहमेसा सदैव हाजिर हुने बचन ब्यक्त गर्नुभयो । यसै गरी पत्रकार सुरेश कसजूले देश र जनताका लागि अग्रस्थानमा रहि जनताको सेवामा काम गर्ने नेपाल प्रहरीको आँटलाई हामी पत्रकारहरूले साथ दिईरहेको र जस्तो सुकै योगदान दिन पनि हामी तयार रहेको अभिब्यक्ति दिनु भयो ।

जिल्ला जनस्वस्थ्य अधिकृत भोला पौडेलले छिमेकी मुलुकमा नयाँ प्रजातिका कोभिडका भाइरसहरू फैलने कार्य भईरहेको हुँदा सचेत भएर स्वास्थ्य मापदण्डलाई ध्यानमा राखि कार्य गर्न पर्ने अभिब्यक्ति दिनु भयो । सवै वडा अध्यक्षले मास्क वितरण गरे भने उद्योग बाणिज्य संघका सचिव निर्मल बस्नेतले भने उद्योगीहरुलाई आफ्नो सेवा प्रदान गर्न आफैले सहज वातावरण बनाउन सबै उत्तिकै जिम्मेवार भएको र हतार नगरि मास्क र सेनिटाईजर र सामाजिक दुरीलाई ध्यान दिएर आफु सुरक्षित भई सेवा ग्राहिलाई सुरक्षित तवरले सेवा प्रदान गर्न अनुरोध गर्नु भयो ।