जित्न सकिन्छ कोरोनालाई

काम गर्ने क्रमाम मलाई पनि कोरोना ले अछुतो राख्न सकेन तर मैले कोरोनालाई जितेर अझ परिपक्कका साथ फेरी पनि काम गर्ने सुनौलो अवसर प्राप्त गरेको छु । म संक्रमित रहदा विभिन्न कुराहरुमा अतुलनिय सहयोग गरी मलाई कोरोनासँग लड्ने सहज वातावरण प्रदान गराउनु हुने सम्पूर्ण स्वास्थ्य कार्यालय सिन्धुपाल्चोकका सहकर्मी आदारणीय सर म्याडमहरु, चौतरा अस्पताल परिवार, चौतारा साँगाचोकगढी नगरपालिका परिवार, मेरो स्वास्थ्यलाई ख्याल राख्न आफु संक्रमित हुन समेत नडराई दिन रात मेरो निम्ति खट्ने मेरा हितैसि मित्रहरु नगेन्द्र, रजिना, फुर्तेनजी, नारायण पौडेल सर, मलाई फोन म्यसेज मार्फत कोभिडसँग लडने हौसला दिनुहुने सम्पुर्ण मेरा शुभचिन्तकहरु र आफन्त तथा परिवार जनहरुमा आभारी छु ।

कोरोना को यो भयाभह स्थितीमा सबैजनाले ‘अहिले नगरे कहिले गर्ने, मैले नगरेर कस्ले गर्ने’ भन्ने सोच राखि आफुले सक्ने सहयोग गरी यसको नियन्त्रण तथा रोकथामाको लागि जुटौं ।

– सकेसम्म घर देखि बाहिर काम नपरेसम्म ननिस्कौ र निस्कनै परे अनिवार्य रुपमा उचित तिरिकाले मास्कको प्रयोग गरेर मात्र निस्कौं ।

– मानिसहरुको बीचमा जाँदा मास्कको प्रयोगगरी २ मिटरको भौतिक दुरी कायम गराै‌ ।

– सतहमा रहेका कुनै पनि चिज छोए पश्चात र अन्य अवस्थामा पनि वारम्वार साबुन पानीले मिचिमिचि हात धुने वा स्यानिटाईजरको वारम्वार प्रयोग गर्ने बानि बसालौं ।

– सकेसम्म महामारीको बेला यात्रा नगरौ गर्नै परे जनस्वास्थ्यका माफदण्ड प्रयोग गरेर सुरक्षित तरिकाले गरौं ।

– जेष्ठ नागरिक, बालबालिका, दीर्घरोगीहरु कोभिड– १९ रोगहरुबाट बढी जोखिम हुने भएकाले उहाँ हरुको स्वास्थ्यलाई बढि प्राथमिक्ता दिई सुरक्षित राखौं ।

– हामीले दैनिक खाईने खाना ताजा, तातो र ठिक समयमा सन्तुलित भोजन खाने गरौर खानाको अतिरिक्त फलफूल, दुध, गेडागुडी, अण्डा, सुप आदि प्रशस्त खाने बानि बासालौं ।

– हल्का ब्यायाम, पर्याप्त निद्रा तथा बिहान घाम ताप्ने बानि बसालौं ।

– संक्रमण प्रभावित ठाँउबाट आएका व्यात्तिहरुलाई अनिवार्य २ हप्तासम्म क्वारेन्टाईनमा बस्न सल्लाह सुझाव दिऔं ।

– ज्वरो आउने, खोकी लाग्ने, सास फेर्न गाह्रो हुने, स्वाद र गन्ध परिवर्तन हुने, पखाला लाग्ने, एकदम थकान हुने, निद्रा लागिरहने, खाना नरुच्ने ,छालामा बिमिरा आउने, आँखा रातो हुने आदि लक्षण देखिएमा नजिकको स्वास्थ्य स्वास्थ्यकर्मी वा स्थानीय तहका जनप्रतिनिधिहरुसँग सम्पर्क गरौं ।

– संक्रमित व्यात्तिहरुसँग प्रत्यक्ष सम्पर्कमा रहेका व्याक्तिहरुले स्वास्थ्यकर्मी वा स्थानीय तहसँग सम्पर्क गरी परीक्षण गराै/गराऔं ।

– परीक्षणका लागि स्वाव दिएका व्याक्तिहरु परीक्षणको रिपोट नआएसम्म अनिवार्य होम क्वारेनटाईनमा बसौं ।

– आफ्नो मानसिक अवस्थालाई सुदृढ एवम् सबल राख्ने बानि बसालौं । सामाजिक सञ्जाल सकभर नहेराै‌/नचलऔं । अनधिकृत समाचारले तनाव बढाउँछ ।

– संक्रमित व्याक्तिलाई दुर व्यावाहारको गर्नको सट्टा हर्स उल्लास बनाउने बानी बसालौं ।

– होम आईसोलेसन बस्नेहरुका लागि मेरो अनुरोधः औषधी उपचार प्रत्येक व्यक्तिको फरक हुनसक्छ । एकजनालाई निको भएको औषधीले अर्को व्यक्तिलाई निको नहुन सक्छ । तसर्थ स्वास्थ्यकर्मी बाहेकका व्यक्तिले सिफारिस गरेको औषधी सेवन नगर्नुहोला । कुनै पनि औषधिले कोरोना च्वाट्ट निको हुने वा लाग्न नदिने कुरा गर्छ भने त्यो गलत हो ।

– सरकारले जारी गरेका सूचना, सतर्कता तथा जनस्वास्थ्यका मापदण्ड पालनाबाट हामी संक्रमणबाट बच्नेछौँ । कृपया पटक्कै लापरबाही नगरौं । हामीले आफु, परिवार तथा समाजलाई संक्रमण हुन् नदिनको लागि सतर्क बनौं ।

(लेखक खनाल स्वास्थ्य कार्यालय सिन्धुपाल्चोकका जनस्वास्थ्य अधिकृत हुन् ।)